Avtalan fevnir um hitakelduna, tvs alt í sambandi við hitapumpuna sjálva. Avtalan er gjølla upplýst, og tað skal framhevjast, at avtalan ikki hevur eitt nú um eftirlit av møguligum heittvatnstanga, uttan so, at hesin er uppsettur og veittur av Maria Poulsen p/f, frárenning, el arbeiðið, gólvhitaslangur, gólvhitastýringar, radiatorar, skifta útifølarar, sum ikki eru uppsettir nøktandi, trygdarventilar á brúksvatn osv.
Avtala um eftirlit verður bara gjørd, har tað er koyrandi til, uttan so vit gera aðra skrivliga avtalu.
Gjørt verður eitt eftirlit í avtalu tíðarskeiðinum (árliga). Tilkall og eykalutir verður goldið eyka fyri eftir galdandi dagsprís.
Eftirlit verða framd í vanligari arbeiðstíð. Maria Poulsen samskipar, nær eftirlit skulu fremjast. Annars eftir avtalu.
Tá Maria Poulsen hevur framt eftirlit á hitapumpu, fær kundin eina váttan, at eftirlit er framt.
Maria Poulsen p/f kann nokta at gera eftirlit, um kundin hevur faldna skuld til Maria Poulsen p/f
Kundin hevur skyldu at geva eftirlitsfólkunum atgongd til hitaskipanina á slíkan hátt, at eftirlitsfólkini fáa gjørt sítt arbeiði uttan nakra forðing.
Í neyðstøðu verður kundin raðfestur. Hetta merkir, at Maria Poulsen p/f, leggur nógv fyri fyri at koma fram til kundan so skjótt sum tilber. Neyðstøða er at skilja støður, hvar hitakeldan ikki er virkin.
Maria Poulsen p/f tekur sær rætt til at meta, um talan er um eina støðu, ið kann bíða til vanligan arbeiðsdag ella at ráðføra kundan um at skifta yvir á el patrón hita* til tænastumaður kemur í arbeiðstíð.
Er møguleiki verður roynt at loysa trupuleikan gjøgnum telefon ella interneti.
*P/F Maria Poulsen átekur sær ikki kostnað fyri nýtslu av el-patrónum.
Ókeypis tilkall er ikki galdandi, um viðurskifti uttanfyri hitapumpuskipanina hava viðført stop, so sum manglandi ella skeivt el arbeiðið, rustur uttaná, snarljós, feilur á elveiting, tipt brúksvatnsvekslari ella líknandi.
Vit tilráða at hava EL skaða trygging frá tykkara tryggingarveitara.
Maria Poulsen p/f ábyrgdast ikki, um eykalutir ikki koma fram til vanliga tíð.
Maria Poulsen p/f nýtir bert egnar eykalutir.
Maria Poulsen p/f kann krevja, at fyribyrgjandi ábøtur verða framdar á hita og vatnføringar í bygningum. Um hesir hava feil ella manglar, sum kunnu skaða sjálva hitaskipaina. Verða hesar ábøtur ikki gjørdar, so kann Maria Poulsen p/f uppsiga hesa avtalu.
Mishald
Um annar parturin fremur týðandi mishald á hesa avtalu, kann hin parturin uppsiga avtaluna. Dømi um mishald er fallin skuld og ikki framd efturlit.
Nýggjur eigari
Um bygningurin fær nýggjan eigara, so kann nýggi eigarin halda áfram við hesari avtalu. Nýggjur eigari hevur ábyrgd at stovna tænastuhald.
Serligar treytir, herundir endurnýggjan og uppsøgn.
Henda avtalan tekur støði í, at eftirlitsvitjan kann fremjast av einum starvsfólki. Er neyðugt við tveimum starvsfólkum, verður eyka gjald lagt á eftir galdandi treytum.
Um ongin uppsigur avtaluna, verður hon longd við einum ári á gangin
Maria Poulsen p/f kann uppsiga avtaluna, um kundin ikki fylgir vegleiðingini frá eftirlitsfólkunum viðvíkjandi hitaskipanini.
Maria Poulsen p/f kann uppsiga avtaluna, um onnur gera broytingar í hitapumpuna og/ella uppsetan.
Prísir
Maria Poulsen p/f kann dagføra prísirnar í samsvar við prísásetingina í samfelagnum. Kundin kann uppsiga avtaluna, um hann ikki er nøgdur við nýggja prísin.
Maria Poulsen p/f kann ikki ábyrgdast av fíggjarligum missi, ið kundin fær av, at skipanin ikki koyrir nøktandi.
Maria Poulsen p/f kann ikki ábyrgdast av teimum útreiðslum, sum kundin fær í sambandi við keyp av tilfari ella handverkarum, sum vegna manglar ella seinkan av eftirliti, manglandi eykalutum ella útgingnum eykalutum.
Maria Poulsen p/f kann til eina og hvørja tíð broyta hesar viðskiftatreytir. Nýggjasta útgávan liggur á heimasíðu okkkara www.mp.fo
Maria Poulsen p/f kann ikki ábyrgdast av fíggjarligum missi, ið kundin fær av, at skipanin ikki koyrir nøktandi.
